I'm beginning to see the light

Hjónin Guðlaug Dröfn Ólafsdóttir og Vignir Þór Stefánsson flytja lagið
ásamt nokkrum kórfélögum í Íslandi í dag 14. maí 2008.
Lagið var á lagaskrá kórsins á vortónleikum sama kvöld,
undir yfirskriftinni Djass og dægurlög.
Lagið er eftir Duke Ellington, Don George, Johnny Hodges
og Harry James og var samið 1944.

Að laginu loknu má sjá svipmyndir af fallegum vordegi í miðborg Reykjavíkur.

Hjá lygnri móðu

Kórinn flytur lag Jóns Ásgeirssonar við ljóð Halldórs Kiljan Laxness
fyrir utan Notre Dame dómkirkjuna í París í júní 2007,
að loknum frábærlega vel heppnuðum tónleikum í kirkjunni.
Þetta voru fyrstu tónleikarnir í ferð kórsins um Frakkland og Ítalíu,
þar sem kórinn tók þátt í kóramóti sem kennt var við Orlando di Lasso.
Að móti loknu var haldið til Rómar og haldnir tónleikar í St. Ignatíusarkirkjunni,
fagurri kirkju sem rómuð er fyrir góðan hljómburð.