KVENNAKÓR REYKJAVÍKUR

Kvennakór Reykjavíkur
Pósthólf 5146
Sími:  896 6468
Netfang kvkor@mmedia.is

Kvennakór Reykjavíkur og Karlakórinn Þrestir halda spennandi tónleika á næstunni.

Dagskráin verður þríþætt. Kvennakórinn syngur nokkur hugljúf jólalög, sem og karlakórinn,
en að lokum sameinast kórarnir og syngja þýska messu eftir Schubert og kunn jólalög úr
ýmsum áttum.
Þarna er því boðið uppá flóruna í kórsöng: Kvennakór, karlakór og blandaðan kór þar sem allir
koma okkur í jólaskap á aðventunni.

Kórarnir verða með þrenna jólatónleika:

Sunnudaginn 4. desember kl. 17:00 í Grafarvogskirkju,
þriðjudaginn 6. desember kl. 20:00 í Grafarvogskirkju og
laugardaginn 10. desember kl. 16:00 í Víðistaðakirkju í Hafnarfirði.

Miðaverð er kr. 1800,- í forsölu hjá kórfélögum en kr. 2000,- við innganginn.
Einnig er hægt að panta miða með því að að senda tölvupóst í netfangið
kvkor@mmedia.is eða hringja í síma kórsins: 896-6468.

Ekki missa af þessu einstaka tækifæri!

Skrifað: 30.nóv 2005

Konur

Nýi geisladiskurinn Konur er nú til sölu hjá Kvennakórnum og kostar 1800 kr.

Nýr geisladiskur Kvennakórs Reykjavíkur

Kvennakór Reykjavíkur hefur gefið út nýjan geisladisk sem ber nafnið KONUR. Á diskinum er eingöngu íslensk tónverk og eru sex þeirra samin fyrir Kvennakór Reykjavíkur og hin sérstaklega útsett fyrir kvennakór.

Þessi diskur er afrakstur starfs Kvennakórs Reykjavíkur fyrstu tíu ára í sögu hans. Með því að panta ný verk, láta útsetja önnur fyrir kórinn og gefa síðan út á geisladiski er verið að framfylgja einu aðalmarkmiði kórsins sem er að efla íslenskan kvennakórasöng og kynna íslensk tónverk yrir kvennakór.

Nafn disksins, Konur, er dregið af verki Þorkels Sigurbjörnssonar við ljóð Jóns úr Vör en það er eitt sex verka sem hafa verið sérstaklega skrifuð fyrir Kvennakór Reykjavíkur. Konur er jafnframt fyrsta verk sem kórinn fékk skrifað fyrir sig og er frá árinu 1996.

Salve Regina eftir Hjálmar H. Ragnarsson er skrifað skömmu síðar, en það var pantað í tilefni ferðar kórsins til Ítalíu 1996.

Barnagæla eftir Ólaf Axelsson við ljóð Vilborgar Dagbjartsdóttur er kveðjugjöf Svönu Víkingsdóttur til kórsins, en Kvennakór Reykjavíkur naut starfskrafta Svönu fyrstu árin.

Hildigunnur Rúnarsdóttir skrifaði Sápukúlur við ljóð Steingerðar Guðmundsdóttur fyrir fyrsta Norræna kvennakóramótið, sem kórinn stóð fyrir á Íslandi árið 2000 og var lagið sungið af öllum þátttakendum mótsins, eða tæplega 1000 konum.

Þegar til stóð að taka þátt í kórakeppni í Tékklandi var Da pacem domine eftir Báru Grímsdóttur pantað og haft með í för. Vakti verk Báru mikla athygli og kom kórinn heim með tvenn silfurverðlaun í farteskinu.

Á tíu ára afmæli Kvennakórs Reykjavíkur árið 2003 var pantaður söngvasveigur af Misti Þorkelsdóttur sem hlaut nafnið Ég hlusta á þær glóa. Þetta eru 5 lög við ljóð Hannesar Péturssonar og mynda eina heild og tengist hvert lag sinni árstíð. Þar er byrjað á sumri og árinu fylgt þar til nýtt sumar er komið.

Síðastliðið vor útsetti Hildigunnur Rúnarsdóttir tvö íslensk þjóðlög fyrir kórinn, en þau eru Vinaspegill og Ástarraunir.

Lög Tryggva M. Baldvinssonar, Krummi og Ektamakinn elskulegi, og lög Jóns Ásgeirssonar úr Húsi skáldsins ásamt útsetningu Hildigunnar á Hættu að gráta hringaná og lagi Mistar Spinna minni hafa öll náð að tengjast kórstarfinu með sérstökum hætti.      

Starfsemi Kvennakórs Reykjavíkur hefur sjaldan verið öflugri og er hann núna nýkominn úr tónleikaferð til Finlands, Eistlands og Svíþjóðar þar sem mjög góður rómur var gerður að söng kórsins. Stjórnandi á diskinum er Sigrún Þorgeirsdóttir, en hún hefur verið stjórnandi Kvennakórs Reykjavíkur undanfarin átta ár.

Þetta er þriðji geisladiskur kórsins, en áður hafa komið út Víf (1997) og Jól (2000)

Skrifað: 10.nóv 2005

Dagana 19. – 25. september héldu konur úr Kvennakór Reykjavíkur í tónleikaferð til Finnlands, Eistlands og Svíþjóðar. Upphaflega var ferðinni heitið á kvennakóramót í Svíþjóð. Þegar það var fellt niður ákváðu konurnar að láta ekki deigan síga heldur héldu sitt örmót ásamt norskum stallsystrum í Tallinn í Eistlandi. Flogið var til Helsinki og þar tóku sendiherrahjónin Jón Baldvin Hannibalsson og Bryndís Schram á móti okkur. Síðan var haldið til Lahti sem er borg á stærð við Reykjavík með um 100 þúsund íbúa. Þar skoðuðum við Sibelius Hall sem er alveg frábært tónleikahús og hlustuðum á æfingu á  Brandenborgarkonserti Bachs.  Tónleikar voru síðan haldnir í kirkjunni í Hollola sem er bær rétt norðan við Lahti. Á leið okkar til Eistlands komum við aftur til Helsinki og héldum tónleika í Klettakirkjunni.  Í Tallinn voru eins og áður sagði haldnir tónleikar með um 100 norskum kórsystrum. Til Svíþjóðar var haldið 24. september og sendiherrahjónin Svavar Gestsson og Guðrún Ágústsdóttir heimsótt. Guðrún hélt síðan með hópinn í kynnisferð um Gamla Stan.
Tónleikar voru haldnir í gamla Ráðhússalnum í Uppsala.

En sem sagt nú erum við komnar heim og ekki bara við heldur líka diskurinn okkar KONUR.

Í tilefni af útkomu disksins mun kórinn halda tónleika í Breiðholtskirkju nk. laugardag 1. október kl. 17:00. Tónleikarnir verða í senn ferðasaga í tali og tónum og kynning á diskinum. Diskurinn KONUR hefur einungis íslensk lög að
geyma, þar á meðal verk sem ýmist hafa verið samin eða útsett fyrir kórinn.
Má þar nefna höfundana Misti Þorkelsdóttur, Hjálmar H. Ragnarsson, Þorkel Sigurbjörnsson, Hildigunni Rúnarsdóttur, Báru Grímsdóttur og Ólaf Axelsson.  

Aðgangur að tónleikunum er ókeypis og allir velkomnir.
 

Norðurlandaferð og útgáfutónleikar

Kvennakórinn er að leggja í haustferð til Norðurlanda og er farinn að æfa á fullu fyrir ferðina.

Flogið verður til Finnlands þann 19. september n.k. og daginn eftir, þann 20. september mun kórinn halda tónleika í Hollola kirkju í Finnlandi.

Kirkjan er frá miðöldum, byggð úr steini og er hún ein fegursta steinkirkjan í Finnlandi.  Daginn eftir syngur kórinn í Klettakirkjunni frægu í Helsinki, en þaðan verður svo haldið til Tallin í Eistlandi þar sem kórinn heldur tónleika í Meþódistakirkjunni þann 23. september. Loks liggur leiðin til Svíþjóðar þar sem mun haldnir verða tónleikar í ráðhúsinu í Uppsölum þann 25. september.

Kvennakór Reykjavíkur er að gefa út nýjan geisladisk, “KONUR” og verða útgáfutónleikar þann 1. október n.k. í Breiðholtskirkju kl. 17:00. Aðgangur er ókeypis, en diskurinn verður til sölu á sanngjörnu verði.

Nýjar konur hafa gengið í kórinn og eru þær boðnar sérstaklega velkomnar. Það verður gaman að æfa fyrir jólatónleikana í byrjun desember. Þá mun kórinn syngja ásamt karlakórnum Þröstum í Grafarvogskirkju sunnudaginn 4. desember kl 17 og 6. desember kl. 20.

Vortónleikar Kvennakórs Reykjavíkur

Kvennakór Reykjavíkur heldur tónleika í Grafarvogskirkju sunnudaginn 8. maí. kl. 17:00 Tónleikarnir hefjast með tveimur lögum eftir Tryggva Baldvinsson og síðan koma þjóðlög í útsetningu Hildigunnar Rúnarsdóttur. Höfuðborgin okkar, Reykjavík, fær sinn stað í dagskránni og syngur kórinn fjögur lög sem fjalla um borgina, þar af tvö í nýrri útsetningu Aðalheiðar Þorsteinsdóttur. Seinni hluti tónleikanna er að mestu helgaður erlendum tónsmíðum. Þar á meðal eru þjóðlög frá Finnlandi og Svíþjóð, einnig syngur kórinn Song of the Bell eftir sænska tónskáldið Daniel Helldén, við ljóð Longfellow og Tango in 5 eftir Söndru Milliken. Tónleikarnir enda síðan á fjórum lögum eftir Jón Ásgeirsson við ljóð Halldórs Laxness.

Sigrún Þorgeirsdóttir, stjórnandi

Vignir Þór Stefánsson, píanó

Sigurður Flosason, saxófónn

Miðaverð við innganginn er 2200 kr. Hægt er að fá miða í forsölu á 1700 kr. hjá kórkonum og í síma 896 6468. Grunnskólabörn borga 1000 kr.

Skrifað: 29. apríl 2005

Norrænt kvennakóramót í Svíþjóð

Kórinn undirbýr nú ferð til Finnlands, Eistlands og Svíþjóðar sem farin verður í september n.k. Mun ferðin enda á Norrænu kvennakóramóti sem haldið verður í Västerås í Svíþjóð. Kvennakór Reykjavíkur stóð fyrir fyrsta Norræna kvennakóramótinu sem haldið var árið 2000.

Landsmót íslenskra kvennakóra

Landsmót íslenskra kvennakóra verður haldið í Hafnarfirði, 29. apríl – 1. maí.

Sjá meira um landmótið á gigjan.is.

Upphaf vorannar

Miðvikudaginn 12. janúar hefjast æfingar kórsins að nýju. Mæting kl. 20:00 í Sjómannaskólanum

Kvennakórinn syngur við messu í Kristskirkju á annan í jólum

Eins og undnanfarin ár mun Kvennakór Reykjavíkur syngja við messu í Kristskirkju á annan í jólum. Messað er kl. 10:30 um morguninn.

Kórkonur eiga að mæta kl. 9:30.

Jólasamsöngur Kvennakórs Reykjavíkur

Eins og undanfarin ár býður Kvennakór Reykjavíkur styrktarfélögum sínum til jólasamsöngs. Samsöngurinn verður haldinn í sal Ferðafélags Íslands, Mörkinni 6, miðvikudagskvöldið 8. desember nk. og hefst kl. 20:00. Þar mun Kórskóli Kvennakórsins, Senjorítur Kvennakórsin og Kvennakórinn sjálfur flytja nokkur lög. Einnig verður alsherjar samsöngur jólalaga.

Boðið verður upp á heitt súkkulaði og smákökur. Allir styktarfélagar eru hjartanlega velkomnir.

Aðventutónleikar í Grafarvogskirkju

2. desember kl. 20 og 5. desember kl. 17

Að þessu sinni verða aðventutónleikar Kvennakórs Reykjavíkur í Grafarvogskirkju.

Flytjendur með kórnum verða þrír einsöngvarar, strengjasveit og orgelleikari. Það eru þær Hulda Björk Garðarsdóttir sópran, Sesselja Kristjánsdóttir messósópran og Jóhanna Halldórsdóttir alt sem syngja. Strengjasveitina skipa þau Hjörleifur Valsson, Helga S. Torfadóttir og Örnólfur Kristjánsson. Marteinn H. Friðriksson leikur á orgelið.

Bach

Magnificat anima mea Dominum

Á aðventutónleikum kórsins 2. og 5. desember verður m.a. flutt

Et exultavit spiritus meus sem Sesselja Kristjánsdóttir messósópran syngur,

Quia respexit sem Hulda Björk Garðarsdóttir sópran syngur,

Esurientes sem Jóhanna Halldórsdóttir alt syngur.,

Suscepit Israel sem kórinn syngur

úr Magnificat anima mea Dominum eftir Johann Sebastian Bach.

Mozart

Missa brevis í B

Á dagskrá aðventutónleika Kvennakórsins er Missa brevis í B fyrir sólóraddir, kvennakór, strengi og orgel eftir Mozart. Einsöngvarar verða Hulda Björk Garðarsdóttir, sópran, Sesselja Kristjánsdóttir, messósópran og Jóhanna Halldórsdóttir, alt. Marteinn H. Friðriksson leikur á orgel. Fiðlurnar strjúka Hjörleifur Valsson og Helga S. Torfadóttir og Örnólfur Kristjánsson leikur á selló.

Æfingadagur

Eins og venja er æfði kórinn í heilann dag laugardaginn 6. nóvember. Kórkonur mættu kl. 10 og sungu linnulítið til kl. 15. Æfð voru öll verk sem kórinn mun flytja á jólatónleikum sínum í Grafarvogskirkju 2. og 5. desember.

Hausthátíð

Októbergleði kórsins var haldinn í Stýrimannaskólanum þann 30. Hátíðasalurinn var skreyttur í hólf og gólf . Fjölbreytt hlaðborð og lifandi tónlist gladdi bragðlauka og geð kórfélaga og gesta. Hátíðin var í anda Hrekkjavöku að bandarísku.m hætti

Vetrarstarfið hefst

Vetrarstarf Kvennakórs Reykjavíkur hófst 1. september. Stjórnandi er sem fyrr Sigrún Þorgeirsdóttir. Kórinn æfir tvisvar í viku, á mánudögum kl. 18:30 og miðvikudögum kl. 20:00. Senjorítur Kvennakórsins hófu vetrarstarf sitt 6. september. Þær æfa einu sinni í viku, kl. 16:00 á mánudögum. Kórskóli Kvennakórsins hófst þann 8. september. Kennsla fer fram frá kl. 18:00 til 17:30 á miðvikudögum.Öll starfsemi Kvennakórsins fer fram í Stýrimannaskólanum.

Kvennakór Reykjavíkur á degi Stígsins

Kórinn syngur á Skólavörðustígnum laugardaginn 22. maí.  Sungið verður á ýmsum stöðum frá Hallgrímskirkju niður að Laugavegi. 

Ævintýri í Vestmannaeyjum

Helgina 14.-16. maí dvöldu kórkonur í Vestmannaeyjum. Kórinn flutti þar söngdagskrána „Ævintýri enn gerast“ með Páli Óskari Hjálmtýssyni og hljómsveit undir stjórn Vignis Þórs Stefánssonar.  Tónleikarnir í Höllinni voru vel sóttir og var flytjendum fagnað með langvinnu lófaklappi í lokin.

„Ég hlusta á þær glóa”

Á vortónleikum kórsins næstkomandi sunnudag, 2. maí, flytur kórinn m.a. „Ég hlusta á þær glóa“, verk sem Mist Þorkelsdóttir samdi fyrir kórinn á 10 ára afmæli hans í fyrra.

Kópavogskirkja

Þann 21. mars söng kórinn við messu í Kópavogskirkju.

Skrúfudagur

Kórinn söng fyrir nemendur, kennara og gesti Sjómannaskólans á hinum árlega Skrúfudegi, 20. mars.

Munaðarnes

Kórinn var í söngbúðum í Munaðarnesi frá föstudegi til sunnudags 5. - 7. mars .

Sjá myndir

Vortíðin hefst

Kórskóli Kvennakórs Reykjavíkur hefur starfsemi sína miðvikudaginn 21. janúar 2004. Kórskóli er fyrir þá sem hafa mikinn söngáhuga.

Kennt verður á miðvikudögum  frá kl. 18.00 til 19.30 í Hátíðarsal Sjómannaskólans við Háteigsveg.  

Kennari er Sigrún Þorgeirsdóttir

Innritun hefst mánudaginn 12 janúar í síma  896-6468 eftir kl. 16:00.

Senjorítur Kvennakórs Reykjavíkur hefja æfingar mánudaginn 12 janúar 2004 kl. 16.00 í Hátíðarsal Sjómannaskólans við Háteigsveg.

Kórstjóri er  Sigrún Þorgeirsdóttir

Kvennakór Reykjavíkur hefur æfingar miðvikudaginn 14 janúar 2004 kl. 20.00

í Hátíðarsal Sjómannaskólans við Háteigsveg.

Kórstjóri er Sigrún Þorgeirsdóttir

Innritunarsími er 896 6468 eftir kl. 16.00

Í Kristskirkju á annan í jólum

Nú um nokkur ár hefur Kvennakór Reykjavíkur sungið við messu í Kristskirkju á annan í jólum. Um þessi jól verður einnig svo. Messan hefst kl. 10:30 og sér kórinn um hefðbundinn sálmasöng við athafnir messunnar allt frá inngöngu og til messuloka.    

Jólakort og jólagjafir

Kórinn hefur á boðstólum jólakort með sömu myndum og prýtt hafa tónleikaauglýsingar kórsins undanfarin ár og vakið hafa óskipta athygli.  Fimm kort í pakka ásamt umslögum kosta 500 kr.  Kórinn hefur enn á boðstólum geisladiskana, Víf og Jól með Kvennakór Reykjavíkur, sem sjá má á „útgáfu“ síðu vefsins.  Víf kostar nú 500 kr en Jólin kosta 1000 kr.  Einnig hefur kórinn gefið út matreiðslubókina, „Á léttum nótum“ með uppskriftum af réttum sem kórkonur hafa reynt til þrautar.  Bókin kostar 1000 kr. Allt eru þetta tilvaldar jólakveðjur til tónelskra vina og vandamanna.  Hægt er að panta í síma kórsins 896-6468.

Jólasamsöngur

Jólasamsöngur kórsins hefur verið árlegur viðburður frá upphafi starfsins.  Á jólasamsöng er boðið  styrktarfélögum og öðrum velunnurum kórsins. Þar syngja Senjoriturnar, kórskólinn og Kvennakór Reykjavíkur fyrir og með gestum.  Boðið er upp á heitt kakó og smákökur. Að þessu sinni verður jólasamsöngurinn í Mörkinni (sal Ferðafélagsins) miðvikudaginn 10. desember og hefst kl. 20.

Ísland í dag

Kórinn kemur fram í „Ísland í dag“ á Stöð 2 í kvöld, 1. desember, milli kl. 18:30 og 19.

Þar syngur kórinn 2-3 lög af efnisskrá tónleikanna sem haldnir verða næstkomandi sunnudag.

Senjóríturnar syngja

Senjórítur Kvennakórsins syngja fyrir eldri borgara á jólaföstunni. Föstudaginn 5. desember syngja þær fyrir heimilisfólk bæði á Skjóli og Hrafnistu.  

Þær sjá einnig um aðventustund fyrir eldri borgara í Kópavogskirkju laugardaginn 6. nóvember.  Aðventustundin hefst kl. 14.

Stjórnandi Senjórítanna er Sigrún Þorgeirsdóttir og með þeim spilar Aðalheiður Þorsteinsdóttir á píanó.

Fimm Maríur og tvær Jórunnir

Jólatónleikar kórsins nálgast og eru gamlar, góðar og þekktar jólaperlur æfðar af kappi. 

Tvennir tónleikar verða í Langholtskirkju sunnudaginn 7. desember kl. 17 og kl. 20.  Á efnisskránni eru m.a. Ave Maríur, Kaldalóns og Schuberts, Maríukvæði Atla Heimis, Vögguljóð Maríu, Regerts ásamt Jólum Jórunnar Viðar. Einnig er þjóðkvæðið „Það á að gefa börnum brauð“ við lag eftir Jórunni og við þjóðlagið. Auk þess eru þekkt lög eins og „Hátíð fer að höndum ein“, „Á dimmri nóttu bárust boð“, „Klukkurnar dingaling“ og fleiri perlur jólatónbókmenntanna.

Forsala er hafin hjá kórkonum og er verð miða 1700 kr. Við innganginn kostar miðinn 1900 kr.  

Tekið er við pöntunum í síma 896-6468 og eftir kl. 17 á daginn einnig í  síma 690-0906, 861-6309 og 696-0223.  

Æfingadagur

Laugardaginn 15. nóvember er æfingadagur hjá kórnum.  Kórinn æfir þá linnulítið frá kl. 10 að morgni til kl. 3 um eftirmiðdaginn.  Æfingin verður í æfingahúsnæðinu í Sjómannaskólanum. 

Sungið fyrir barna- og unglinga geðdeild

Kvennakór Reykjavíkur syngur á tónleikum til styrktar barna- og unglinga geðdeild LHS í Grafarvogskirkju fimmtudaginn 13. nóvember.  Kórin syngur þrjú lög af efnisskrá tónleikanna „Ævintýri enn gerast“ sem haldnir voru í Austurbæ um miðjan október.  Tónleikarnir hefjast kl. 20.  Fjöldi góðra listamanna koma fram á tónleikunum.

Ævintýri enn gerast !
Páll Óskar syngur með Kvennakór Reykjavíkur gömul dægurlög frá sjötta og sjöunda áratugnum með hljómsveitarundirleik Vignis Stefánssonar, Gunnars Hrafnssonar og Ólafs Hólm undir stjórn Sigrúnar Þorgeirsdóttur.
Tónleikarnir verða haldnir í Austurbæ við Snorrabraut 16. og 17. október kl. 19:30 og 22:00 báða dagana.
Miðar fást hjá kórkonum og við innganginn.  Einnig er hægt að panta miða á kvkor@mmedia.is eða í síma 896 6468.
Miðaverð er kr. 1.900

Kórinn í nýtt húsnæði
Starf kórsins hefst að nýju, eftir sumarfrí, þann 25. ágúst kl. 20:00 eins og venja er, en nú í Hátíðarsal Sjómannaskólans við Háteigsveg.  Kórstjóri er, sem fyrr, Sigrún Þorgeirsdóttir. 
Senjóríturnar, kór kvenna 60 ára og eldri, byrja æfingar 8. september kl. 16:00, einnig í Hátíðarsal Sjómannaskólans.
Kórinn tekur við nýjum félögum nú í haust.  Áhugasamar konur hafi samband í síma 896-6468 sem allra fyrst.
Eins og fyrr rekur kórinn kórskóla.  Kennsla þar hefst miðvikudaginn 10. september í Sjómannaskólanum.  Kennari er Sigrún Þorgeirsdóttir.  Meira

Menningarnótt Reykjavíkur
Kvennakór Reykjavíkur syngur við setningu Menningarnætur Reykjavíkur á torginu við Ingólfsnaust (á horni Aðalstrætis og Vesturgötu) kl. 13:00 laugardaginn 16. ágúst nk.  Kórinn flytur m.a. hluta af verki Mistar Þorkelsdóttur, Ég hlusta á þær glóa, sem kórinn frumflutti í vor. Stjórnandi Kvennakórs Reykjavíkur er sem fyrr Sigrún Þorgeirsdóttir. Athöfnin verður í beinni útsendingu á Rás 2 ríkisútvarpsins.

VORTÓNLEIKAR KVENNAKÓRS REYKJAVÍKUR 

„Kvennakór Reykjavíkur er í góðu formi“. 
(Jón Ásgeirsson Mbl).
Tónleikar kórsins á fimmtudagskvöldið tókust afar vel. Í Morgunblaðinu laugardaginn 10. maí má lesa umsögn Jóns Ásgeirssonar um hvernig til tókst. Þar má meðal annars lesa:
„...Senn kemur vor. Þetta fallega lag var sérlega vel sungið..... Konur eftir Þorkel Sigurbjörnsson .... var vel flutt með sérlega skýrum framburði. Salve Regina eftir Hjálmar H. Ragnarsson .... var mjög vel sungið. ..... Ég hlusta á þær glóa, eftir Mist Þorkelsdóttur, við texta eftir Hannes Pétursson...... var vel flutt undir öruggri stjórn Sigrúnar Þorgeirsdóttur.“
Loka niðurstaða Jóns er „Kvennakór Reykjavíkur er í góðu formi. Það var gott jafnvægi á milli radda og framburður texta til fyrirmyndar. Auðheyrt er að Sigrún er snjall söngstjóri og naut hún vel meðfylgjandi undirleiks Þóru Fríðu Sæmundsdóttur. Það stóra á þessum tónleiku, bæði er varðar flutning og gerð verksins, var frumflutningurinn á kórverki Mistar, Ég hlusta á þær glóa“.

Tónleikarnir verða endurteknir kl. 17 á sunnudag, 11. maí í Langholtskirkju.



„Ég hlusta á þær glóa”
Tónleikar í Langholtskirkju fimmtudaginn 8. maí
 kl. 20.00 og sunnudaginn 11. maí kl. 17.00. 

Í vor höldum við áfram 10 ára afmælishátíð kórsins. Í tilefni af stofnfundar afmæli kórsins þann 8. maí frumflytjum við nýtt verk eftir Misti Þorkelsdóttur: 
Ég hlusta á þær glóa: Árstíðasvipmyndir við ljóð eftir Hannes Pétursson. Fyrir „glóandi“ konur Kvennakórs Reykjavíkur á 10 ára afmælisári. Þá lítum við yfir farinn veg og flytjum a.m.k. eitt lag frá hverju starfsári kórsins og öll þau verk (5) sem samin hafa verið sérstaklega fyrir kórinn. Stjórnandi kórsins er sem fyrr Sigrún Þorgeirsdóttir og hljóðfæraleikari Þóra Fríða Sæmundsdóttir

Kaupa má miða hjá kórkonum eða panta í síma 896-6468 og kostar þá miðinn 1.600 krónur. Miðaverð við innganginn er hins vegar 1.900 krónur.

Styrktarfélagar fá tvo miða á krónur 2.700. Sjá upplýsingar um styrktarfélag Kvennakórsins hér til vinstri.

Verk samin fyrir Kvennakór Reykjavíkur 

Konur
Lag: Þorkell Sigurbjörnsson (1995). Ljóð: Jón úr Vör.

Salve Regina
Lag: Hjálmar H. Ragnarsson (1996). Ljóð: Andstef úr Dominica Completorium

Barnagæla
Lag: Ólafur Axelsson (1998). Ljóð: Vilborg Dagbjartsdóttir.

Sápukúlur
Lag: Hildigunnur Rúnarsdóttir (2000). Ljóð: Steingerður Guðmundsdóttir.

Da pacem, domine
Lag: Bára Grímsdóttir (2001). Ljóð: Friðarbæn frá miðöldum.


KVENNAKÓR REYKJAVÍKUR 
syngur á stofnfundi Landssamtaka kvennakóra

Laugardaginn 5. apríl n.k. verður haldinn á Grand Hotel Reykjavík stofnfundur Landssamtaka íslenskra kvennakóra. Á stofnfundinum verður opnuð heimasíða landsambandsins á slóðinni http://www.tonlist.net/kvennakorar/. Í tillögum að lögum er stungið upp á að sambandið hljóti nafnið Gígjan.

Starfsemi kvennakóra hefur vaxið og dafnað á undanförnum áratug og eru nú um 25 kvennakórar starfandi á landinu. Sambandið mun m.a. hafa það hlutverk að standa fyrir landsmótum kvennakóra, efla erlend samskipti, halda úti vefsíðu með upplýsingum um starfsemi kóranna og vera kórum til ráðuneytis og aðstoðar. Fyrsta landsmót kvennakóra var haldið vorið 1992 og síðan hafa verið haldin alls 5 landsmót. Einnig stóð Kvennakór Reykjavíkur fyrir fyrsta norræna kvennakóramótið sem haldið var hér á landi vorið 2000. Um það bil 2000 söngkonur syngja í kvennakórum og hafa fjölmennustu kórarnir yfir 100 félaga. 

PÁSKAEGGJABINGÓ 

Kvennakór Reykjavíkur heldur sitt árlega páskaeggjabingó í Loftsölum, Borgartúni 28 laugardaginn 5. apríl kl. 14:00 - 17:00. Auk páskaeggja af öllum stærðum eru margir aðrir veglegir vinningar, t.d. ostabakki, matarkarfa o.fl


KVENNAKÓR REYKJAVÍKUR 
býður til hátíðar í Ráðhúsi Reykjavíkur 25. janúar 2003

Við erum 10 ára!
Þann 25. janúar eru 10 ár liðin frá fyrstu æfingu Kvennakórs Reykjavíkur, ótrúlegt en satt. Kórinn efnir því til afmælisveislu í Tjarnarsal Ráðhúss Reykjavíkur þennan dag þar sem sögusýning verður opnuð og tónlistardagskrá hljómar. 

Við höfum fengið alla sem störfuðu með eða við hlið Kvennakórsins til að syngja með og fyrir okkur. Þarna koma því fram auk Kvennakórs Reykjavíkur, Gospelsystur Reykjavíkur og Vox feminae undir stjórn Margrétar Pálmadóttur, Kvennakórinn Léttsveit Reykjavíkur undir stjórn Jóhönnu Þórhallsdóttur og Senjoríturnar undir stjórn bæði Rutar Magnússon og Sigrúnar Þorgeirsdóttur. Síðast en ekki síst koma fram „gömlu kórarnir", þ.e. kór skipaður kórfélögum áranna 1993-97 undir stjórn Margrétar og annar skipaður kórfélögum áranna 1997 til dagsins í dag undir stjórn Sigrúnar.

Tónleikarnir hefjast kl. 15 og er aðgangur ókeypis.

VORT LÍF VORT LJÓS
Tónleikar Kvennakórs Reykjavíkur

Kórinn heldur þrenna tónleika í Langholtskirkju 
fimmtudaginn 28. nóv. kl 20:00 og laugardaginn 30. nóv. 2002 kl 14:00 og 17:00

Yfirskrift tónleikanna er VORT LÍF VORT LJÓS  og koma fram auk kórsins söngvarinn Páll Rósinkrans, Óskar Einarsson píanísti og Ásgeir Óskarsson slagverk.

Efnisskrá tónleikanna er af öðrum toga en verið hefur. Fluttir verða negrasálmar, gospel og létt jólalög.

Miðasala er hjá kórkonum og við innganginn.
Miðaverð í forsölu er 1600.- við innganginn 1900.-


Aðalfundur Kvennakórs Reykjavíkur 
var haldinn í Loftsölum 2. nóvember. Þar lét Þuríður E. Pétursdóttir af formennsku en við tók Ásdís Hjálmtýsdóttir. Aðrar í stjórn eru: Elfa Sif Jónsdóttir, varaformaður, Margrét Hreinsdóttir, gjaldkeri, Guðrún Hilmisdóttir, ritari og Árný Ásgeirsdóttir meðstjórnandi. Í varastjórn voru kosnar: Margrét Rósa Grímsdóttir og Elísabet Einarsdóttir.

Sjá nánar