|
|
Hagnýtar upplýsingar um kórstarfið
|
Kórstarfið er ekki
bara að mæta á æfingar og syngja svo á tónleikum.
Á hverri önn eru fastir liðir og hér fyrir neðan
koma ýmsar upplýsingar um þá ásamt öðrum hlutum
sem er gott að hafa í huga.
|
Almennt um æfingarnar
|
Á æfingum er gott
að mæta tímanlega, hafa blýant í farteskinu, því
alltaf þarf að skrifa eitthvað til minnis í nóturnar
- áherslur, framburð, styrkleika eða annað.
Mörgum okkar finnst gott að vera með upptökutæki
og taka upp, til þess að hlusta á og æfa sig með
heima.
Kaffi er í boði á hverri æfingu og sér kaffinefndin
okkar um það. Við erum við að spara í kaffimálunum
og viljum því helst að hver komi með sitt drykkjarmál.
Að æfingu lokinni röðum við borðum og stólum upp
eins og húsvörðurinn á Vitatorgi vill hafa það.
Á Vitatorgi þarf alltaf ein kona að mæta fyrr til
þess að vera dyravörður og hleypa öðrum konum inn.
Raddirnar skiptast á um að vera í dyrunum og kemur
sú kona um 15 fyrir æfingu og er í dyrunum þar til
æfingin byrjar og rúmlega það. Ef mætt er
of seint á æfingarnar, og enginn er við dyrnar til
að opna, þarf kona að gera vart við sig - annað
hvort í gegnum gluggann uppi á hæðinni (ef einhver
skyldi horfa út) eða með því að hringja í kórsímann,
8966468. Ef ekki er svarað í hann, þá er gott að
hafa númer hjá einhverjum kórsystrum. Símaskrá kórkvenna
er búin til og dreift eins fljótt og auðið er. .
|
Októberfest
|
Októberfest er partý.
Yfirleitt er kosin undirbúningsnefnd sem sér um
tónlist, skreytingar og utanumhald þannig að ekkert
klikki.
Konur koma með eitthvað á sameiginlegt hlaðborð
og eitthvað að drekka - áfengt eða óáfengt. Eitthvað
er svo greitt við innganginn í sameiginlegan kostnað.
Raddirnar sameinast oft um einhver skemmtiatriði,
við syngjum svo saman og eigum saman notalega kvöldstund.
Stundum er diskótek þar sem mismunandi dansspor,
hopp og teygjur eru útfærðar á listilegan hátt,
en eitt er víst að það er alltaf stuð |
Æfingardagur
|
| Á æfingadegi (1.
nóvember) mæta konur tímanlega og eru með nesti
með sér, því gert er ráð fyrir stífum æfingum þennan
tíma. Kaffi og te er framreitt á staðnum. |
Aðalfundur
|
| Á aðalfundi fer
fram kosning til stjórnar og í nefndir kórsins og
önnur aðalfundarstörf. Öll þessi vinna sem fer í
að reka svona batterí eins og Kvennakórinn, er unnin
af okkur sjálfum í sjálfboðavinnu og best er að
sem flestar taki þar þátt. Því fleiri sem eru í
nefndum og ráðum, því minni vinna er fyrir hverja
konu. Fyrir fundinn verður sent á línuna lög kórsins
og starfsreglur. |
Tónleikar
|
Fyrir tónleika
þurfum við að reyna að selja sem flesta miða - það
er mikil samkeppni á milli kóra og beinu samböndin
við ættingja og vini duga best! Og ef okkur tekst
að selja vel fyrir tónleika, fáum við fullt hús
af fólki og vonandi hagnað af tónleikunum, en ekki
tap. Liggur í augum uppi!
Styrktarfélagakerfi er í gangi sem er bæði hagstætt
fyrir kórinn og tónleikagesti. Það skilar föstum
tekjum fyrir kórinn og lægra verð á tónleikamiðum
fyrir styrktarfélaga.
Á tónleikum mætum við tveimur klst. fyrir tónleikatíma,
höfum með okkur eitthvað smálegt í nesti, eins og
eitthvað að drekka, epli eða brauð. Margar taka
kjólinn með sér í fatapoka og skipta um á staðnum
- aðrar ekki. Stífar reglur eru um að engin hálsmen
eigi að vera við kjólana. Svartar sokkabuxur, 40
den, og svartir skór - í fínni kantinum. Ekkert
ilmvatn eða hárlakk, því sumar eru með slæmt ofnæmi
fyrir slíku. Rauður varalitur kemur vel út þegar
við erum að syngja.
Stundum er þess krafist að við kunnum lögin utanbókar
og notum þá engar nótur - stundum má hafa nóturnar.
Best er þó að kunna sem mest utanbókar, því þá getum
við horft á stjórnandann og farið eftir hennar bendingum.
|
Jólasamsöngur
|
| Þá bjóðum við Senjorítunum
(kór eldri kvenna), styrktarfélögum okkar og fleirum
til skemmtunar. Skemmtunin hefur síðustu ár verið
í Breiðholtskirkju. Fyrst eru tónleikar í kirkjunni
- við syngjum, Senjorítur líka og stundum við allar
saman. Svo er farið á neðri hæðina, niður í safnaðarheimili
og boðið upp á heitt súkkulaði með þeyttum rjóma
og smákökum. Ein röddin í kórnum sér um að ganga
um beina og allt skipulag. Kórinn kaupir smákökur,
en hver og ein kona kemur með heitt súkkulaði á
brúsa (uppskrift á suðusúkkulaðipökkunum) og einn
pela af þeyttum rjóma. Gott er að merkja öll ílát.
Þetta rennur svo ljúflega niður og svo syngjum við
saman jólalögin og hápunkti er náð þegar við syngjum
öll Þrettán dagar jóla! |
Annar í Jólum
|
| Á annan jóladag
höfum við tekið þátt í messu í Kristskirkju. Þá
mætum við í safnaðarheimilið í kórkjólum, hitum
þar upp og förum í messu. Syngjum nokkur lög einar
og svo messusvörin og sálmana með söfnuði. Messan
er aðeins öðru vísi en í þjóðkirkjunni, en svipuð
á margan hátt. Með því líkur hauststarfinu.
|
Skrifað: 19. Október
2009 af kollutjorva
|
|
|
