Nýjasta nýtt

    Aðventutónleikar Kvennakórs Reykjavíkur

    posted Nov 12, 2013, 1:03 PM by Kolbrun Halldorsdottir


    Jólakortasala

    posted Oct 23, 2013, 4:12 PM by Kolbrun Halldorsdottir


    Tónleikar Senjoríta

    posted Oct 7, 2013, 10:49 AM by Kolbrun Halldorsdottir   [ updated Oct 7, 2013, 10:50 AM ]

    Senjorítur halda tónleika í Grensáskirkju, 19.október kl 14. Miðaverð er aðeins kr. 1500 fyrir fullorðna og kr. 600 fyrir börn frá 12 ára aldri. Ókeypis er fyrir er fyrir yngri en 12.ára.
    Við hlökkum til að sjá ykkur.

    myndin er frá vortónleikum kórsins í Neskirkju, vorði 2009

    Fyrsta æfing haustannar 2013

    posted Aug 22, 2013, 2:24 PM by Kvennakór Reykjavíkur


    Vortónleikar Kvennakórs Reykjavíkur

    posted May 14, 2013, 6:35 AM by Kolbrun Halldorsdottir



    Kvennakór Reykjavíkur auglýsir vortónleika kórsins í Fella- og Hólakirkju, 26.maí 2013, kl.17:00

    Kvennakór Reykjavíkur var stofnaður 1993 og heldur upp á tuttugu á afmæli sitt í ár.
    Til að fagna þessum tímamótum hélt kórinn tónleika, sem báru nafnið Frá konu til konu í Eldborgarsal Hörpu ásamt öllum kórum, sem starfað hafa í tengslum við Kvennakór Reykjavíkur. Og nú er komið að því að fagna með vortónleikum kórsins réttum tuttugu árum eftir fyrstu tónleika hans.

    Vortónleikarnir bera keim vorkomu og gleði. Litið er um öxl og rifjuð upp lög frá tuttugu ára ferli í bland við nýtt efni. Sungin verður íslensk tónlist, gömul og ný. Ísland farsælda Frón, þjóðlag við ljóð Jónasar Hallgrímssonar; Þó þú langförull legðir eftir Sigvalda Kaldalóns við ljóð Stephans G. Stephanssonar; Breyttur söngur eftir Þóru Marteinsdóttur við ljóð Huldu og Líttu sérhvert sólarlag, lag og ljóð eftir Braga Valdimar Skúlason. Í erlenda lagavalinu er mikil fjölbreytni. Hátíðleg, skemmtileg, ljúf og létt tónlist og jafnvel má búast við einhverju óvæntu. Víst að allir finna þar tónlist við sitt hæfi.

    Stjórnandi Kvennakórs Reykjavíkur er Agota Joó. Píanóleik annast Vilberg Viggósson og Hávarður Tryggvason leikur á kontrabassa.

    Miðaverð: 3000 kr./ 2500 kr. í forsölu. Miðar fást hjá kórkonum, í síma 8966468 eftir kl 17 eða á postur@kvennakorinn.is

    Frá konu til konu - Kvennakór Reykjavíkur 20 ára

    posted Mar 14, 2013, 4:38 AM by Kvennakór Reykjavíkur   [ updated Mar 21, 2013, 2:27 AM ]


    Í tilefni af 20 ára afmæli Kvennakórs Reykjavíkur verða haldnir hátíðartónleikar, „Frá konu til konu“, í Eldborgarsal Hörpu, sunnudaginn 7. apríl kl 15, þar sem að fram koma allir kórar sem starfað hafa undir merkjum Kvennakórs Reykjavíkur.

    Kórarnir eru:
    Kvennakór Reykjavíkur, stjórnandi Ágota Joó
    Vox feminae, stjórnandi Margrét J. Pálmadóttir
    Stúlknakór Reykjavíkur, stjórnandi Margrét J. Pálmadóttir
    Léttsveit Reykjavíkur, stjórnandi Gísli Magna
    Senjorítur, stjórnandi Ágota Joó
    Cantabile, stjórnandi Margrét J. Pálmadóttir

    Kórarnir munu syngja saman og hver fyrir sig tónlist af ýmsum toga. Þar verður tónlist eftir gömlu meistarana og ung íslensk tónskáld svo eitthvað sé nefnt.

    Miðaverð er 4.800 kr / 3.800 kr / 2.800 kr
    Miðasala á midi.is og harpa.is

    Kvennakór Reykjavíkur á Árshátíð Eimskips

    posted Feb 8, 2013, 7:04 AM by Kvennakór Reykjavíkur

    Kvennakór Reykjavíkur var beðinn um að koma og syngja nokkur létt og skemmtileg lög á Árshátíð Eimskips, sem fór fram þann 2.febrúar sl.
    Við vorum sérstaklega beðnar um að syngja Sjómannavalsinn - en það lag hljómar í auglýsingum Eimskips - og tókum við vel í það og æfðum það upp og sungum með glæsibrag. 
    Einnig fluttum við Reykjavíkurdætur, Ég er komin heim, Kenndu mér að kyssa rétt og This little light of mine, þar sem Guðbjörg Gylfadóttir söng einsöng af stakri prýði. 
    Þetta var einstaklega skemmtilegt og það sannaðist enn og aftur hvað það er gaman í félagsskap þessara yndislegu kórkvenna :)

    Einnig sungum við á þorrablóti félagsmiðstöðvar aldraðra á Vitatorgi á fimmtudaginn 31.jan. Þar tókum við létta generalæfingu á áðurnefndum lögum og var það alveg sérlega skemmtilegt. Fólkið kunni vel að meta sönginn okkar og klappaði og söng með. Ágota gat ekki verið með okkur þar, en Vilberg kom með okkur og spilaði undir og tókst þetta sérlega vel.

    Hér fyrir neðan eru nokkrar myndir sem Svanhildur í 1.alt fékk sendar frá Árshátíð Eimskips.


    Kvennakór Reykjavíkur 20 ára

    posted Feb 4, 2013, 7:35 AM by Kolbrun Halldorsdottir   [ updated Feb 4, 2013, 8:04 AM by Kvennakór Reykjavíkur ]

    Kvennakór Reykjavíkur er 20 ára um þessar mundir en fyrsta formlega æfing kórsins var haldin 25.janúar 1993. Af þessu tilefni kom kórinn kórfélögum  á óvart með tertuveislu þann 23.janúar. 
    Veislan var haldin í lok æfingar og höfðu kórkonur verið boðaðar fyrr á æfingu, undir því yfirskini að Ágota þyrfti að hætta snemma en vildi ekki stytta æfinguna. Vissum við svo ekki fyrr en Senjóríturnar fóru að streyma í húsið og tertur voru lagðar á borð. Heppnaðist þetta prýðilega og var veislan hin skemmtilegasta. 

    Hér er hægt að sjá fleiri myndir: 


    Fyrsta æfing vorannar 2013

    posted Jan 7, 2013, 5:56 AM by Kolbrun Halldorsdottir

    Fyrsta æfing vorannar verður Miðvikudaginn 9.janúar kl. 20 á Vitatorgi við Lindargötu. 
    Mjög spennandi vor er framundan því Kvennakórinn er 20 ára núna í Janúar og verður haldið uppá afmælið með allskonar húllumhæ og ber þar hæst Afmælistónleikar í Hörpu í Apríl.

    Nýjir meðlimir, sem og fyrrverandi meðlimir sem langar að vera með er bent á að hafa samband við Ágotu kórstjóra sem fyrst í síma 6901867 eða í tölvupósti á jagota[hja]internet.is

    Video frá Jólatónleikum 2012

    posted Dec 5, 2012, 8:58 AM by Kolbrun Halldorsdottir

    Gunnar Jónatansson, betur þekktur sem maðurinn hennar Rósu, tók upp nokkur lög á fyrri tónleikunum í Fella- og Hólakirkju, þann 29. nóvember 2012.
    Tónleikarnir voru tileinkaðir Ingibjörgu Þorbergs, sem varð 85 ára í október sl.

    Fyrst er það Jólakötturinn sjálfur eftir Ingibjörgu, í snilldar útsetningu eftir Vilberg Viggósson. Sigríður Thorlacius syngur með okkur í þessu lagi. Okkur þykir þetta sérlega flott og skemmtileg útsetning og virkilega gaman að flytja það.

    Næst er það Hin fyrstu jól, einnig eftir Ingibjörgu. Kórkonur sungu af tilfinningu og innlifun, til þess að færa jólaandann beint í hjarta tónleikagesta. Sigríður gerði það líka.


    Næst er það Ave Maria eftir Sigvalda Kaldalóns. Án efa fallegasta Marían. Eða það finnst mér. Einsöngur er sem fyrr í höndum Sigríðar Thorlacius, sem er í ár tilnefnd til Íslensku Tónlistarverðlaunana sem besta söngkonana. Þvílíkur heiður að fá að syngja með svona frábærri söngkonu.


    Við endum þetta á Litla Trommustráknum. Uppáhaldið okkar allra, Patrik, stendur sig eins og hetja í hlutverki hans.

    1-10 of 24